Veranstaltungen

Im Folgenden befinden sich unsere laufenden und zukünftigen Veranstaltungen :

26 November 202614:00 - 16:30Forum Geesseknäppchen 40 Bd Pierre Dupong L-1430 Hollerich

WORKSHOP: "No Hate Speech! Strategien fir jidderee géingt Haass am Internet"

Wéi kann ee online ganz konkret op haasserfëllten Aussoe reagéieren?
An dësem Workshop steet dat praktescht Handelen am Mëttelpunkt. Mir beschäftegen eis mat der Gesetzeslag zu Lëtzebuerg a weisen, wou a wéi Hate Speech méiglechst efficace zu Lëtzebuerg ka gemellt ginn a wat no enger entspriechender Meldung geschitt. Mir kucken eis ganz konkret verschidde Counter-Speech-Strategien un:  Wéi kann ech allgemeng op haasserfëllten Inhalter reagéieren?  Wéi dodrobber konkret äntweren? Wéi kann ech mat Haasskommentarer an engem Shitstorm ëmgoen, wann ech e professionellen Account geréieren?
Duerch praktesch Übungen a konkret Beispiller kënnen déi verschidde Strategien direkt ausprobéiert a fir deen eegenen Alldag oder beruffleche Kontext ugepasst ginn.
23 November 202611:00 - 13:00Lycée technique de Lallange (Esch-sur-Alzette)

"Zivilcourage im Netz" - Campagnestart & Table Ronde 

  • Datum: 23.11.2026
  • Auerzäit: 11:00 – 13:00
  • Sprooch: Lëtzebuergesch
  • Plaz: Lycée technique de Lallange (Esch-sur-Alzette)
  • Kontakt: liz.freimann@respect.lu
Respect.lu an de Ministère fir Gläichstellung an Diversitéit invitéieren den 23. November um 11h00 op d’Launch Event vun hirer Campagne „Zivilcourage im Netz“ am Lycée Technique de Lallange zu Esch-Uelzecht.
D’Ouverture vun der Campagne mëscht d’Ministesch fir Gläichstellung an Diversitéit, Yuriko Backes. Uschléissend diskutéieren zentral Acteuren aus Lëtzebuerg iwwer aktuell Erausfuerderungen a Méiglechkeeten am Beräich vum Asaz géingt Hate Speech an der Fërderung vu Counter Speech. Am Mëttelpunkt steet dobäi och d’Fro, wéi mir zesummen Zivilcourage am digitale Raum stäerke kënnen.
Bei engem gemittlechen Ofschloss besteet d’Geleeënheet, d’Gespréicher ze verdéiwen, sech auszetauschen an nei Kontakter ze knäppen.